في فن علم النفس وانماط الحياه
مصيبتك طلع وراها فايده
لاينتشر فكرك على كذا اتجاه
الخصخصه فن العقول الزايده
وان ساد من حولك شعور الانتباه
خذ لشعورك منطقه محايده
الثقه سقف العقل والناقص ذكاه
من حسك بان فيه حاجه زايده
والابداع ماهو لعب شد الانتباه
على حساب الغاء فكره سايده
والضيق ضيق الافق واكظام الشفاه
وفهم الحياه على انها مزايده
افضل وسيله للسعاده والنجاه
سهله على الراغب ولاهي كايده
توحيد الله صدق وتقيم الصلاه
واجعل الفواحش عن حدودك نايده
وتكف يدك وتحمد الله على الغناه
وتخشر هنودك معك في المايده
ولاتخاوي لاشيوخ ولارعاه
خاو اصدقاء تفكيرك وفرايده
والشيخ من تواضعه يمد عطاه
يتعودون الناس من عوايده
والحب ذروه كل شي ومنتهاه
ومحلا من وضوحه سوى مكايده
يبكي الرجال ويبحث خفاه
ويعلمه شرح الخطوط الباديه
واللي يحب احدن ماهو في مستواه
يبطي وعينه بالمدامع جايده
ياوجد حال الشاعر وياامه واباه
وجود من هاوش لاخوه وصايده
اللي اتمنى اعيش واتوفى معاه
حتى فعيده ماقدرت اعايده
الحزن طاقه للدعاه الطغاه
وانا طلعت من الجروح بفايده
ان لم ترد شيئا على هذه الحياه
فتأكد انت حاجه زايده
