الغلا قصه عجيبه تبتدي بضحكة عيون....
قصه فارسها مشاعر نابضه بأغلى غرام....
نصها كلمة (أحبك) ياحبيبي للجنون......
تنطلق من قلب عامر بالمحبه والسلام....
هذي هي قصة غرامي يوم جيتك ياحنون....
مابقي شي بكياني غير حبك بإحترام؟؟
جيت لك تضحك شفاهي بإبتسامات الجفون.....
جيت لك والقلب غارق في عبارات الكلام.....
ماتصنعت المشاعر لأجل أبرهن من أكون؟
كان همي إني آصل ساحلك ياأغلى غرام.....
أبتسم ساعة أشوفك وأنسى أيام الشجون.....
وأتخذ لأجلك مساحه في مواعيد الزحام؟؟
لاتلاقينا وشفتك قاسي الغربه يهون!!
والفرح يسري بدمي ويخترق صلب العظام.....
وإن تفارقنا دقيقه مالت أوراق الغصون.....
والدقيقه في عيوني شفتها الفين عام؟؟
الغياب ياهو غيابك صب لي كاس المنون.....
أشربه ظلم وتجني وأرتوي به بإنصدام.....
الغلا ماهو حكايه تعتبر ضمن الفنون.....
الغلا عشته بقلبك ياقمر وسط الظلام؟؟
لو درى بصادق غرامي الغدر حرم لايخون!!
ولو يعيشه كل مذنب إلتزم بعد الحرام!!
والبلابل لو تحسه زادت أنغام اللحون.....
وبه تغنت واهتفت به وغارت أسراب الحمام.....
والبحر لو قاس حبي صارت أمواجه سكون.....
وقال أنا قطره وجف وأبهر أحلام الأنام.....
حتى قيس اللي تصدر قايمة أهل الجنون؟؟
واللي أهل العشق خذوا من (أساطيره) وسام....
ماوصل عشقه بليلى مرحلة ضم الحضون!!
ولاتحدى في غلاها لذة أنفاس المنام.....
وعنتر وعبله غلاهم باهت بدون أي لون!!
بعد ماشخصت قلبي حبهم فيه إنفصام!!
كل حب غير حبي مثل همال المزون.....
يستمر وقت السحاب وينتهي بعد الغمام.....
وكل شعر غير شعري مايفي باللي يبون.....
تكتب حروفه أحبك ونته بالإنتقام.....
أتحدى وأتحدى وأتحدى من يكون؟
إن قلب" غير قلبي" حبه صادق بالتمام.....
وإن كلامي ماعجبهم يفعلون مايشتهون!!
يمكن لاشافوا ولاي عندهم ينشأ إهتمام..؟؟
الغلا قصه وصارت بيني وبينك (جنون)
حكيتها بشعور قلبي قبل مايبدا الكلام.....
الغلا واقع أعيشه معك مايرضى الظنون؟؟
واقع أجمل من خيال واقع نبراس الوئام.....
بطلبك قبل أنتهي كانك لإحساسي تصون.....
إن لحظات التواصل نغتنمها إغتنام.....
والأمانه في النهايه ياحكي حب العيون؟؟
لافهمت حروف شعري ضمها بعد الختام%
اتمنى تنال اعجابكم
دمتم بحفظه
