السلام عليكم :
هذي قصيده الشيخ القارى:احمد بن علي العجمي..في ابنائه اللي انحرم منهم..اسال الله ان ينصر شيخي على من ظلمه..واتركم مع القصيده..
ادعي عليك الله ياظالمي فوق
من ظالمآ دمر حياتي وقهرني
يما رفعته فوق راسي على ذوق
هو سل سيف الغدر وبيده نحرني
يما سقيته صافي الحب والشوق
وهو سقاني سم قاسي وغدرني
له سقت روحي سقتها سوق مطفوق
مابين ليله صد عني ونكرني
لأجله سهرت الليل ماأشتكي عوق
وهو الذي من زود ظلمه كفرني
ماذقت عمري شربت الخمر
والبوق
يستر على الخمار وانا فضحني
ظلمك ذبحني والصدر صار مخنوق
منك مرض ولدي وغدرك سدحني
ماجاني السكر ولاصارت محروق
إلا من اللي حش فيني وجرحني
عرضي بفمه مثل علك باطوق
هو يحسبن اللي خلقني تركني
واللي أكل مالي ويقول مسروق
ياحيف يوم الاخره جار وظلمني
ادعي عليك الله في ليل وشروق
اللي على عيالي فجعني وحرمني
ادعي عليك اللي سمع صوت فاروق
ادعي عليك اللي في سجودي سمعني
حسبي عليك الله ياظالمي فوق
في وسط جوف الليل دعيته ونصرني
ولدي علي قلبي من ظلم محروق
من ظالمآ دمر حياتي وقهرني
